Más semeyes en el flickr de los CJC/CMC.
LOS CJC/CMC COL COLEUTIVU DE TRABAYAORES DEL CAUDAL
Esti vienres díi 12 de Xunu la mocedá comunista estuvo presente coles sos banderes y consignes xunto al COLEUTIVU DE TRABAYAORES DEL CAUDAL que entamaben la so andadura cola convocatoria d’una manifestación que recorrió les principales cais de Mieres baxo la consigna que se podía lleer na pancarta de cabecera. “VAN ECHANOS ASTURIES ABAJO”.
N’esta movilización que tres non poca polémica, nun cuntaba col apoyu de los sindicatos “mayoritarios” pudimos compartir espaciu con trabayaores d’empreses en llucha como DIASA PHARMA, que lleven ya 5 meses ensín cobrar y que exigen a SADIM (empresa de diversificación de HUNOSA) y al aicionista mayoritariu Adenso Iglesias una solución inmediata, tamién colos trabayaores d’ENFERBUS, que tras una llarga güelga indefinía continuen dando la batalla escontra’l patrón y los esquiroles, trabayaores despedíos de TRIMAN, les trabayaores de NESTLÉ-LITORAL que acudieron dende Xixón pa sofitar a los sos hermanos/es de clas de la cuenca del caudal y pidiendo la readmisión de les sos compañeres despedíes depués de dedicar toa la so vida a trabayar pa esta firma, y algunes ausencies destacaes que nun pudieron asistir pero si expresaron el so sofitu al Coleutivu y a la manifestación como los trabayaores de Vesuvius, de Riaño, na cuenca hermana del Nalón, que mantienen encerraos escontra el cierre que yos quieren imponer y tamién los trabayaores de VETROTOOL situá nel Conceyu d’Ayer. Tamién hubo trabayaores d’empreses que autualmente nun s’alcuentren en llucha, polo menos non abierta, que sofitaron la convocatoria como los compañeros de THYSSEN, o algunos trabayaores de les poques mines que mos queden nes cuenques depués de el cierre y la mal nomá “REINDUSTRIALIZACIÓN” que supuso un fraude pa la clas obrera asturiana nel so conxuntu y sobretoo pa la de les cuenques mineres que güei sufen doblemente cola crisis capitalista que amenaza con destruir el mínimu emplegu que queda güei n’esta sufridora aunque lluchaora comarca.
Tamién confluimos con delles organizaciones polítiques y sindicales d’Asturies como el nuesu partíu, el PCPE-Asturies, el PCA, UNA, Andecha Astur, y tamién CSI y SUATEA. Coreáronse consignes como: “¡Asturies se salva lluchando!” o “¡Solidaridá, empreses en llucha!” ente otres.
N’esta convocatoria, los CJC/CMC demostremos el nuesu sofitu al COLEUTIVU DE TRABAYAORES DEL CAUDAL, col que reafirmamos el nuesu compromisu de apoyar de la mena que ellos/es dende la so plena soberanía consideren oportuna, polo cual ofrecemos toa la nuesa capacidá militante pa que esti coleutivu que supón una nueva esperanza de llucha nes cuenques se desarrolle plenamente t sepa ser canalizador de toes les lluches de la clas obrera del Caudal.
¡EMPRESES EN LLUCHA, SOLIDARIDÁ!
¡LES CUENQUES SE SALVEN LLUCHANDO!
¡PUXA EL COLEUTIVU DE TRABAYAORES DEL CAUDAL!
Archivado en: Movimientu Obreru
