El pasau sábadu 24, más de venti mozos acudieron a la charra entamada polos CJC/CMC na que contose cola intervención de Jesús Contreras, del conseyu central de la Mocedá Comunista de Venezuela. Esta charra foi la segunda d’un ciclu de charres antiimperialistes que vien faciendo la nuesa organización n’Asturies, y amás concidió con un xira d´actos d’esti camarada por too l’estau español entamada polos Colectivos de Jóvenes Comunistas.
La charra, de títulu “La estratexa imperialista n’América Llatina” foi presentada por Juan Nogueira, miembru del comité executivu de los CJC. N’ella desendolcose con una presentación y semeyes la llocalización de les bases norteamericanes en llatinoamerica y porqué taben onde taben. Los intereses imperialistes norteamericanos amenazaben les fronteres venezolanes, el acuíferu Guaraní na triple frontera, el canal de Panamá, el pasu pol Cabu d’Hornos, etc. Cola presencia de la cuarta flota traten d’atemorizar a los pueblos cola posibilidá d’un enfrentamientu militar si nun se dobleguen a les multinacionales qu’espolien el so continente y a los sos pueblos.
Tres l’esposición, dióse pasu a una prestosa rueda d’entrugues, sobre too orientaes a la situación actual venezolana, la situación del procesu revolucionariu y cómo actuaben ellí los camaraes del Partíu Comunista de Venezuela y de la Mocedá Comunista de Venezuela.
Pa finar, Juan Nogueira agradeció al camarada de la JCV la so presencia y recalcó la necesidá del internacionalismu proletariu y la solidaridá activa ente pueblos pa facer frente al imperialismu belixerante y xenocida.
¡PUXA EL PARTÍU COMUNISTA DE VENEZUELA!
¡PUXA LA MOCEDÁ COMUNISTA DE VENEZUELA!
Archivado bajo: Internacionalismu
