Una vegada más vemos como la Universidá d’Uviéu, con Vicente Gotor de cabezaleru, ta llevándose una reforma de gran calau dientru de la universidá a espaldes de toda la comunidá universitaria, como ya se fizo con l’aplicación del EEES, que pesie a la torga mayoritaria de los estudiantes ta siendo ya aplicada con nefastes consecuencies. Ya tamos viviendo nes nueses propies carnes les “bondaes” d’esti plan mercantilista y elitizaor que mos trae el nuesu rector, como les subides de les tases, les fusiones, los exámenes en Xunetu y un llargu etc.
La fusión de Campus ye un pasu más enmarcau dientru del procesu de Bolonia, unes fusiones que quierense aplicar, non porque esto suponga una meyora na calidá de l’enseñanza, sinon que ta llevandose a cabu atendiendo na más a criterios puramente económicos y mercantiles. Estes fusiones faen que les nueses carreres pierdan visibilidá y entidá ya que nun existirán facultaes especifiques como n’otros estudios. Al mesmu tiempu faense oídos sordos a les protestes que tantu estudiantes como profesores tan llevando a cabu nos caberos meses. Esta xunificación nun hai que entendela como un procesu aislau a Bolonia, sinon que ye un pasu más na estratexa que la XE ta llevando alant re nel so afán de convertir un serviciu tan básicu como la educación en mera mercancía. Busca un negociu rentable , cosa que queda patente coles subides de tases faciendo que los estudiantes paguemos ca vegada más por matriculanos de manera que l’estau nun necesita invertir tantu na enseñanza universitaria.
Además el sistema grau-postgrau supón una redución de contenios nel grau, pa forciar que vayan cursase postgraos que completen la formación, los cuales tienen precios altísimos a los que toos y toes los/les estudiantes nun puen alcanzar.
Entendemos que la movilización de toa la comunidá universitaria tornase fundamental pa denunciar la situación na que a día de guei alcuentrase guei la universidá pública, inmersa n’un procesu d’elitización y torgando la participación de los estudiantes na toma de decisiones sobre’l nuesu futuru.
Los CJC/CMC entendemos que ye necesariu un alderique profundu dientru de la comunidá universitaria sobre’l tipu d’enseñanza que queremos y facia ónde nos tan llevando les caberes reformes neolliberales que se nos tan aplicando. De la mesma manera pedimos la paralización de les fusiones de los centros y llamamos a la movilización d’estudiantes a salir a la cai a denunciar y frenar esti nueu ataque a los intereses de los fios de los trabayadores.
NON A LA XUNIFICACIÓN DE CAMPUS POR CRITERIOS MERCANTILES
NON A ESTI NUEU ATAQUE DE BOLONIA
POR UNA UNIVERSIDÁ PÚBLICA Y DE CALIDÁ
Colectivos de Jóvenes Comunistas/Coleutivos de MocedaesComunistes (CJC/CMC)
Archivado bajo: Movimientu Estudiantil
