El pasáu Llunes 26 de Xunetu, dellos cientos de persones percorrieron les cais de Xixón en sofitu a la trunfante revolución socialista cubana, contra’l bloquéu xabaz qu’el imperialismo yankee sofitau pola Posición Común de la XE caltién dende va 50 años na isla caribeña.
Numberoses banderes de Cuba, acompañaben a la bandera de la clás obrera a lo llargo de tola manifestación, que glayaba consignes como “Puxa Cuba Socialista”, “Siempre ye 26 na Cuba de Fidel” o “Nun son disidentes, son terroristes”. El desmazcaramientu de los criminales contrarrevolucionarios ye una de les llabores principales de la solidaridá col pueblu cubanu, masacrau por esta puxarra al serviciu de la criminal CIA.
Por too esto, los comunistes de los CJC/CMC xunto al PCPE-Asturies movilizámonos, espardimos la nuesa propaganda y panfletos y glayamos y celebramos la imparable marcha de la revolución cubana. Xunto a la pancarta na que podía lleese “Con Cuba Socialista, contra’l imperialismu de la XE y los EEXX” tornamos a enarboliar arguyosos los retratos de los héroes del pueblu cubanu, Raúl, Fidel y el Che, qu’en mediu d’esta crisis capitalista, representen la esperanza d’un pueblu y de tola humanidá.
Caltengamos la llucha, ¡PUXA CUBA SOCIALISTA! ¡PUXA’L 26 DE XUNETU!
Archivado bajo: Internacionalismu
