CJC/CMC Asturies

Los Coleutivos de mocedaes comunistes somos una organización xuvenil comunista, organizámonos pa lluchar polos nuesos llexítimos drechos e intereses, xuniendo a la mocedá, fortaleciendo el movimientu xuvenil. Xunto al PCPE (Partíu Comunista de los Pueblos d’España), trabayamos pa que la mocedá se incorpore a la llucha xeneral pol socialismu y el comunismu nel estáu español. Somos la organización escuela pa la formación de comunistes, de militantes conscientes, onde recibimos la experiencia práutica y organizativa que permítenos deprender a analizar y discutir políticamente los problemas qu’afecten a la mocedá, y onde deprendemos mediante l’alderique, l’estudiu, la actividá creadora y el trabayu coleutivu, los principios del marxismu- leninismu, ciencia que sírvenos p’analizar la realidá, los nuevos fenómenos que nella prodúcense, pa poder intervenir nella y transformala. La formación constante (práutica y teórica) ye la condición necesaria p’avanzar na llucha escontra el capitalismu. Por eso dotámonos de nuesa propia esperiencia, los nuesos propios materiales de formación, análisis políticos y discusión.

SOMOS INTERNACIONALISTES

Prauticamos l´internacionalismu proletariu, l´antiimperialismu, que básase na defensa los intereses de les y los trabayaores del mundiu.
Estendiendo los lazos d´amistá, aición común y solidaridá que xunen a los pueblos y mozos de tol mundu que lluchen pola paz, la democracia, la lliberación social y nacional, el progresu social, el socialismu y el comunismu.

SOMOS UNA ORGANIZACIÓN LENINISTA

Construimos la organización leninista, basada nel centralismu democráticu, forma organizativa que ye garante la democracia y tresparencia, fomenta la discusión y ellaboración de la llínea política en conxuntu y la aplicación tamién en conxuntu de los alcuerdos. Toa la militancia tien que rendir cuentes del so trabayu y compromiso, independientemente de la responsabilida qu’ocupe, la minoría tien de cumplir los alcuerdos de la mayoría, superando l’individualismu, y nun se toleren corrientes o faiciones organizaes. A medida que vamos medrando y construyendo coleutivos, vamos avanzando nel centralismu democráticu y el caraúter revolucionariu de los CJC-CMC, pues cada coleutivu col so trabayu y aportaciones polítiques, enriquez al conxuntu la organización.

POLOS DRECHOS DE LA MOCEDÁ ESTUDIANTE Y TRABAYAORA

Trabayamos pa construir el proyeutu revolucionariu de la mocedá trabayaora y estudiantil nel estáu español. Basamos la nuesa estratexa na llucha y la organización, na acumulación de fuercies mediante la movilización sostenía. En la llucha ideolóxica pa desenmascarar al capitalismu y la esplotación, mediante la organización del texíu social, del trabayu xunitariu con otres organizaciones xuveniles y la vinculación y participación nos movimientos sociales y políticos.

PARTICIPAMOS NEL MOVIMIENTU ESTUDIANTIL

Como organización xuvenil, el nuesu principal frente de llucha ye’l movimientu estudiantil. La mocedá estudiantil progresista y revolucionaria tenemos de dar pasos na construcción d’ún movimientu estudiantil que seya capaz nun sólo de plantegar una llucha defensiva (ante los ataques del capitalismu), si non tamién de proponer y crear un nuevu modelu educativu. Tenemos de dotanos del instrumentu organizativu, xunitariu, democráticu y ampliu, que defienda los intereses de la mayoría de les y los estudiantes. Defendemos una educación que seya pública, de calidá, gratuita, igualitaria, llaica, científica, popular e intercultural.

ESCONTRA LA ESPLOTACIÓN LLABORAL

Asina mesmu la llucha escontra la esplotación de les y los trabayaores, escontra la precariedá social y llaboral, escontra la temporalidá, los contratos basura, les empreses de trabayu temporal, escontra la negación del drechu a la vivienda y otres formes d’esplotación y exclusión nas quél capitalismu situanos a la mayor parte de la mocedá, son oxetivos prioritarios de nuesa llucha.

ESCONTRA EL FACISMU Y EL IMPERIALISMU

Participamos activamente nel movimientu antiimperialista y de solidaridá internacionalista, colos pueblos del mundu qu’ enfrentanse cada día a la barbarie’l imperialismu. Nel movimientu antifacista, pola igualdá de xéneru, la defensa’l mediu ambiente, polos drechos de les y los inmigrantes, escontra la represión y la violencia de los ataques a les llibertaes qu’el sistema desarrolla d’una forma cada vez más agresiva, sobre too escontra la mocedá.

POLA REPÚBLICA CONFEDERAL Y SOCIALISTA

Proponemos, xunto col PCPE, una República de tipu Confederal y Socialista, comou alternativa rial a los llímites impuestos pola constitución monárquica de 1978, comu forma de garantizar el drechu al autodetermin de los pueblos y naciones que güei componen l’estáu español, como forma de superar l’actual marcu d’opresión.
CONSTRUYE LA REVOLUCIÓN

Estudiamos, trabayamos y divertímonos, pero sobre too deprendemos de lo que facemos pa construir el caminu facia la Revolución Socialista dende la clase obrera, dende la mocedá. Onde halla mozos con interés n´organizase y lluchar escontra’l sistema establecíu, al mesmu tiempe que piénsase y constrúyese l’alternativa que queremos, ellí debe haber un coleutivu de mocedaes comunistes.